စစ်ကောင်စီ ဘုန်းကြီး ဝါသဝ က “ရှမ်းမြောက်ကိုဗုံးကြဲပါ၊ မြေကျန်ရင် ရပြီ”လို့ ပြည်သူ့စစ်သင်တန်းဆင်းပွဲမှာ ပြော
မဲခေါင်၊ သြဂုတ် ၁၀
စစ်ကောင်စီဘုန်းကြီး ဝါသဝ က “ရှမ်းမြောက်ကို ဗုံးကြဲပါ၊ မြေကျန်ရင်ရပြီ”လို့ စစ်ကိုင်းတိုင်း၊ ကန့်ဘလူမြို့နယ်မှာ သြဂုတ်လ ၇ ရက်ကလုပ်တဲ့ ပြည်သူ့စစ်သင်တန်းဆင်းပွဲမှာ ပြောခဲ့တာပါ။
သင်္ကန်းရုံ ရဟန်း တစ်ပါး အနေနဲ့ လူတွေ သေကြေပျက်စီးမှာကို တိုက်တွန်းတာဟာ ရဟန်းအလုပ်မဟုတ်ဘူးလို့ စကားကို ကြားတဲ့ ရဟန်း၊ ရှင်လူ တွေက ဝေဖန်နေကြပါတယ်။
“ရဟန်းဆိုတာ ၂၂၇ သွယ်သော သိက္ခာပုဒ်နဲ့ ကျင့်ကြံနေထိုင်ပြောဆိုရတာ၊ သိက္ခာပုဒ်မထိန်းနိုင်ရင်တောင် ဒီလိုပြောတာက ပါရာဇိကကျ တာဖြစ်လို့ ဘယ်လိုမှရဟန်း ၁ ပါးရဲ့နှုတ်မြွက်စကား မဖြစ်နိုင်ဘူး”လို့ လားရှိုးမှာ သီတင်းသုံးပြီး စစ်ဘေးရှောင်နေတဲ့ ဆရာတော် တစ်ပါးက မိန့်ကြားပါတယ်။
လက်ရှိမှာ မန္တလေး-မူဆယ် ပြည်ထောင်စုကုန်သွယ်ရေးလမ်းမကြီးပေါ်က မြို့တွေကို တော်လှန်ရေးတပ်တွေက သိမ်းပိုက်ထားတာမဖြစ်ပါတယ်။
၁၀၂၇ ရှမ်း-မန်းစစ်ဆင်ရေး ဒုတိယအကြော့အတွင်း သီပေါမြို့နဲ့ မူဆယ်မြို့သာ တော်လှန်ရေးတပ်ဖွဲ့ သိမ်းယူဖို့ ကျန်ရှိနေတာဖြစ်ပြီး သီပေါမြို့ကိုတော့ ဒီနေ့ သြဂုတ်လ ၁၀ ရက်မှာ ဝင်ရောက်တိုက်ခိုက်နေသလို မူဆယ်က စစ်ကောင်စီတိုင်းမှူးကိုလည်း လက်နက်ချဖို့ မြောက်ပိုင်းမဟာမိတ်အဖွဲ့တွေက ဖုန်းနဲ့ဆက်သွယ်ပြောထားတယ်လို့ သိရပါတယ်။
crd
